kungiyar Boko Haram ta yi wa masu motoci da fasinjoji kwanton bauna, a hanyar Maiduguri zuwa Damaturu
Wasu da ake zargin 'yan kungiyar Boko Haram ne da yammacin Juma'a sun yi kwanton-bauna a kan hanya mai nisan kilomita 125 daga Maiduguri -Damaturu, wanda ya yi sanadiyyar rayukan mutane 5 tare da wasu motoci da fasinjoji da ba a tantance adadinsu ba, bayan sace kayayyakin abinci da kadarori.
Wani wanda ba'a bayyana sunansa ba kuma daya daga cikin wadanda lamarin ya ritsa dasu har aka harbe shi a kafa wanda yanzu haka yana karbar magani a asibitin koyarwa na Jami’ar Maiduguri (UMTH) ya ce lamarin ya faru ne da misalin karfe 5 na yamma a ranar Juma’a.
Yace “Muna dawowa daga Abuja ne don yin bukin Kirsimeti tare da iyalina, abin takaici a tsakanin kauyen Jakana da Auno da ke kusa da Maiduguri, sai muka fada kwanton baunan ’yan Boko Haram din da suka kafa, take suka bude mana wuta ska kuma nufi duk wata motar da ta ki tsayawa.
"Yace Kodayake, a cikin motar haya da muke cikinta, direbanmu ya yi kokarin tserewa daga wurin, amma maharan sun bude wuta suka kashe mutane biyu, ni kuma na yi sa'a karaya kawai na samu a kafata saboda harbin bindiga".
Wakilin jaridar Vanguard ya labarta mana cewa yanayin tsaro a hanyar Maiduguri zuwa Damaturu, musamman a kusa da Auno wanda ke da tazarar kusan kilomita 10 daga Maiduguri, Jakana, Mainok da sauran al'ummomin da ke kan hanyar yana da matukar damuwa a wannan mawuyacin lokacin da mutane ke tafiye tafiye.
Duk kokarin da aka yi don jin ta bakin jami’in hulda da jama’a na rundunar ‘yan sanda, DSP Edet Okon ya ci tura ba a sameshi ba har lokacin da ya hada wannan rahoton, amma wata majiyar tsaro ta tabbatar da faruwar lamarin, inda ta dage cewa an sace mutane da dama tare da kashe mutane biyar da raunata wasu da yawa ranar Juma’a kusa da kauyen Jakana .
Related Articles
Subscribe Our Notification
0 Comments to "kungiyar Boko Haram ta yi wa masu motoci da fasinjoji kwanton bauna, a hanyar Maiduguri zuwa Damaturu"
Post a Comment