An bayyana sunan yan wasan da suka fi karban albashi mai tsoka a Barcelona
Barcelona ta kasance kulob din da ke gaba gaba gun biyan manyan albashi a fagen kwallon kafa. Cikin shirin Onze, wani dan jarida Lluis Canut ya bayyana girman albashin da wasu 'yan wasan ke samu duk shekara a kulob din na Barca.
Wanda yafi daukan albashi mai girma shine Gerard Pique, wanda kafin amincewarsa da rage albashin da yake karba yana samun kusan Yuro miliyan 28 a duk shekara. Duk da cewa ya amince ya rage albashinsa a lokacin bazara,
Bayan Pique sai Sergio Busquets mai karban (miliyan 23) da Jordi Alba (miliyan 20) yayin da Samuel Umtiti ke daukan (miliyan 20), sai Ter Stegen (miliyan 14), Philippe Coutinho (miliyan 16) da Ousmane Dembélé (miliyan 12) sai Sergi Roberto, yana karbar albashi daidai da Dembele (miliyan 12).
Wannan jeri ya biyo bayan kasuwar musayar 'yan wasa inda Barça ta yi rashin Leo Messi wanda ya yake samun Yuro miliyan 135 sai Griezmann wanda yake samun miliyan 21 shima. Yawan albashin 'yan wasan Barça na daya daga cikin abun da hukumomin kungiyar ke kokarin warwarewa bayan wa'adin Josep Maria Bartomeu ya kare.
Related Articles
Subscribe Our Notification
0 Comments to "An bayyana sunan yan wasan da suka fi karban albashi mai tsoka a Barcelona"
Post a Comment