Messi ya kamu da corona virus
Paris Saint-Germain ta tabbatar a ranar Lahadi cewa Lionel Messi ya kamu da cutar Covid-19 kuma ba zai buga wasan cin kofin da za su yi da Vannes ba.
Tsohon dan wasan Barcelona Leo Messi ya kamu da cutar Covid-19
PSG ta ce Juan Bernat, Sergio Rico da Nathan Bitumazala suma gwajin da aka musu ya tabbatar sun kamu da tsutar.
Messi, mai shekaru 34, ya dawo birnin Paris ne bayan ya shafe hutun Kirsimeti a kasarsa ta Argentina tare da iyalansa.
Tsohon dan wasan gaban na Barcelona yana daya daga cikin 'yan wasan PSG hudu da sakamakon gwajin da aka yi musu a zagayen karshe na gwajin cutar korona ya tabbata suna dashi a kungiyar ta Ligue 1.
"Yan wasa 4 da aka wa gwajin sune Leo Messi, Juan Bernat, Sergio Rico da Nathan Bitumazala," in ji PSG. "A halin yanzu suna cikin keɓe kuma suna ƙarƙashin ƙa'idar kiwon lafiya da ta dace."
PSG har yanzu tana cikin rashin Neymar saboda rauni,.
Kulob din ya kara da cewa "Neymar zai ci gaba da jinya a Brazil har zuwa ranar 9 ga watan Janairu tare da wasu ma'aikatan kiwon lafiya na Paris Saint-Germain." "Har yanzu ana sa ran dawowar sa horo nan da makonni uku."
Related Articles
Subscribe Our Notification
0 Comments to "Messi ya kamu da corona virus"
Post a Comment